Moti i keq/ Rrezikon të shembet pallati në Gjirokastër

Moti i keq që ka përfshirë vendin ka përkeqësuar situatën në qytetin e Gjirokastrës. Shiu i denduar ka sjellë rrëshqitje të dherave, duke rrezikuar një pallat 5 katësh në lagjen “Punëtori”.

Sipas banorëve ka shkarje të tokës në pjesën e poshtme dhe çarje të betonit.

Prefekti i Gjirokastrës Odise Kote, strukturat dhe kryetari i bashkisë, Flamur Golemi kanë marrë shqetësimin e banorëve dhe ndodhen aty për të parë situatën së bashku me një inxhinier.

LEXO EDHE  KPK ngre pikëpyetje për pasurinë dhe profesionalizmin e prokurores Daniela Sulaj

Janë rreth 15 familje që banojnë në këtë pallat 5-katësh pranë të cilit ka pasur rrëshqitje toke nga shirat e ditëve të fundit .