Një 37-vjeçar me origjinë shqiptare dhe banues në San Benedetto është arrestuar nga policia italiane.
Policia e Fermos bëri të ditur se rreth orës 19:50 të mbrëmjes së shkuar, një patrullë e Policisë Rrugore kreu kontrollin e një makine të zezë Audi A6.
Shoferi u identifikua si një shtetas shqiptar, 37 vjeç, i ligjshëm në territorin kombëtar dhe banues në San Benedetto del Tronto.
Duke pasur parasysh qëndrimin veçanërisht nervoz të personit, dhe në bazë të të dhënave të shumta të policisë kundër tij, agjentët vendosën të thellojnë kontrollin.
Të ndihmuar nga kolegë të tyre, patrulla e policisë shoqëroi 37-vjeçarin në rajonin e policisë.
Pas kontrollit personal, u zhvillua kontrolli i automjetit dhe në bagazhin e tij u gjet një qese e zezë brenda së cilës ishin më shumë se 2 kg drogë.
37-vjeçari u arrestua për shkelje të legjislacionit mbi drogën dhe u dërgua në burgun lokal në Fermo, ndërkohë që udhëtonte pa patentë.
