Aurtur Metani: Sistemi në situatë të vështirë, e rëndësishme që qytetarët të kenë besim

Artur Metani, Inspektor i Lartë i Drejtësisë, në një intervistë për News24, tha se institucioni që drejton edhe pse me mungesë inspektorësh, ka propozuar shkarkimin e 3 gjyqtarëve dhe ka çuar në hetim 5 magjistratë.

”Sistemi është në situatë të vështirë sepse, gjyqtarët ikin dhe është e vështirë që këta gjyqtarë të zëvendësohen shpejt, sepse i tillë është sistemi, por rëndësi ka që qytetarëve t’u ngjallet besimi që institucionet funksionojnë”, tha ai.

Për Metanin, kjo është më e rëndësishme dhe ky është themel i debatit sot, dhe duhet të jetë themel i debatit sot: A kanë filluar të funksionojnë institucionet e reja të drejtësisë?

LEXO EDHE  Aksident me vdekje në Thumanë

“Për mënyrën se si është ideuar dhe konceptuar reforma unë si jurist e mendoj që është një nga sfidat e kësaj shoqërie. Mua më pëlqen mënyra se si është ngritur arkitektura e sistemit të ri të drejtësisë, me kompetenca të ndara dhe shumë të qarta të institucioneve”, u shpreh Metani.