Dy zyrtarë të lartë shëndetësorë të SHBA-ve, sot kundërshtuan një pretendim të Presidentit në largim, Donald Trump se të dhënat për rastet e COVID-19 dhe vdekjeve ishin raportuar më të larta seç janë në të vërtetë.
Anthony Fauci dhe Jerome Adams u shprehën optimistë, pasi ritmi i vaksinimeve po rritet.
“Vdekjet janë numra të vërtetë”, tha Fauci, drejtori i Institutit Kombëtar të Alergjisë dhe Sëmundjeve Infektive, raporton ‘Reuters’, ndërsa shton se “spitalet e mbushura me pacientë të infektuar dhe punonjës të kujdesit shëndetësor të stresuar nuk janë të rremë. Kjo është e vërteta”.
Fauci dhe gjenerali kirurg amerikan Jerome Adams mbrojti saktësinë e të dhënave të koronavirusit të botuar nga Qendrat Amerikane për Kontrollin dhe Parandalimin e Sëmundjeve, pasi Trump sulmoi metodat me të cilat agjencisë bënte kalukimet.
“Numri i rasteve dhe vdekjeve të koronavirusit është tepër i ekzagjeruar në Shtetet e Bashkuara për shkak të metodës qesharake të përcaktimit të CDCgov krahasuar me vendet e tjera”, shkroi Trump në Twitter.
Donald Trump, një republikan i cili lë detyrën në 20 janar, pasi humbi një mandat të dytë përballë demokratit Joe Biden, shpesh ka minimizuar ashpërsinë e pandemisë. Ai gjithashtu ka përbuzur dhe injoruar rekomandimet federale për frenimin e përhapjes.
Më shumë se 20 milionë njerëz janë infektuar në Shtetet e Bashkuara dhe gati 350 mijë kanë humbur jetën, ose e thënë ndryshe një në çdo 950 banorë të SHBA ka vdekur, që kur virusi u shfaq për herë të parë në Kinë në fund të vitit 2019.
