Ish-Kryeministri Sali Berisha ka ironizuar në rrjetet sociale deklaratat e Kryeministrit Edi Rama mbi sigurimin e dozave të vaksinave.
Berisha i ka komentuar deklaratat e Ramës si një propagandistik qeveritar me titullin “Surrel News apo Haberet e Surrelit”.
Postimi nga Sali Berisha.
Surrel News apo Haberet e Surrelit!
Njoftim. Sot në 10:30 në ERTV, në haberet e Surrelit, do të ndiqni:
Lajmi i parë: vaksina vjen më datë 10 janar falas për të gjithë ata që më besojnë, sa për të tjerët ….!!! Në dhjetor vërtet u njoftua se po udhëtoj për New York për të mbushur avionin e madh në dispozicion me vaksina, por me hutuan soldet e Krishtlindjeve dhe u detyrova të mbush me mallra baulet e mia. Në fund të fundit, në këtë botë unë i falem vetëm Lindës dhe askujt tjetër nuk i kërkoj ndjesë as vetë Zotit. Tani radhën e keni ju për vaksinën.
Lajmi i dytë: mbledhjet e qeverisë i janë dhënë me konçesion, Braçes, pasi Kryeministria u mbush me COVID-19. Por përsëri gjithnjë punoj fort dhe ato ndiqen me “Zoom” nga sarajet e Surrelit.
Ps: Për më shumë hollësi, ndiqni ERTV e Arben dhe Karlo Malavitës, Ymer Çorapes e Tualetit të Kol Ballës!
