Mjeku Ilir Allkja, pjesë e Urgjencës së QSUT-së, është larguar sot nga detyra. Pas paralajmërimit të pak ditëve më parë, mjekut Allkja i është ndërprerë sot kontrata e punës në mënyrë të njëanshme.
Allkja përgjatë muajve të pandemisë ka denoncuar shpeshherë situatën e rënduar në spitale, mungesën e mjeteve mbrojtëse për mjekët dhe stafet mjekësore, apo mbajtjen e pacientëve në ambulanca për orë të tëra, për shkak të mbingarkesës në spitalet Covid.
Lidhur me vendimin për shkarkimin e mjekut Allkja ka reaguar edhe gazetari Bledian Koka. Sipas tij, mjeku u pushua nga puna, pasi ka folur.
Vendimi për largimin e mjekut Allkja nga puna bie ndesh edhe me aktin normativ të miratuar nga Rregullatori i KQZ, që mes të tjerave ndalon edhe largimet nga detyra, apo rekrutimet në administratë, 4 muaj para zgjedhjeve.
Postimi nga Bledian Koka
Armiku i Popullit, Ilir Allkja!
Ne moton “me mire djepi bosh se shejtani brenda” Rilindja ka pushuar sot nga puna mjekun e urgjences Ilir Allkja me akuzen e rende se ka “folur”.
Dmth pas 9 mujash e kusur per Ilirin dhe koleget e tij qe jane realisht ne vijen e pare te zjarrit ne betejen me COVID ne sherbimin e urgjences, falenderimi per oret e gjata ne pune, mirenjohja per sakrificen sublime te mjekeve si Iliri, dhe medalja per angazhimin e tyre ne Pandemi eshte largimi nga puna per disa statuse ne Facebook.
Sepse Armiku i Popullit Ilir Allkja ka bere te kunderten qe shume kolege te tij te nenshtruar kane bere. Ai akuzohet se nuk ka dale te levdoje shendetesine e vdekur ne ERTV, eshte kapur ne flagrance duke bere statuse kritike ne Facebook dhe nuk ka bere ‘share’ videot propagandistike te Manastirliut dhe Edi Rames, raportohet gjithashtu se nuk ishte pjese e trupes shendetesore qe kercyen si majmuna cirku ne ballkonet e Infektivit kur Rilindja coi aty ahengun e TKOB-it ne diten qe kishte vdekur mjeku Drini Dobi!
Per te gjitha keto krime kunder popullt dhe pushtetit popullor, mjeku agjitator Ilir Allkja shkarkohet nga detyra si nje shembull dhe paralajmerim per te gjitha ata qe thyejne vijen e Partise.
p.s…dmth ne sot humben Ilirin si mjek, por ama kemi Skender Bratajn si asgjeberes!
