Nënkryetari i LSI Petrit Vasili ka reaguar pas ndryshimeve, më të fundit në Qeveri. Vasili shkruan se Edi Rama vendosi të heqë veten si ministër të Jashtëm dhe jo Gent Cakajn.
“Kryeministri Edi Rama hoqi Ministrin e Jashtëm Edi Rama”, shkruan Vasili. Sipas tij, ky është kryeministri për faqe të zezë që ka Shqipëria, që bën sikur pranon dorëheqjen e Cakës që nuk ekziston.
“Mirë Kryeministri që është në ditë të hallit, po këta mediatikë e diplomatike që lanë nam, perse nuk e pyesin Edi Ramën pse dha dorëheqjen si Ministër i Jashtëm.
Presidenti i Republikës sipas kushtetutës do shkarkojë Edi Ramën dhe jo Cakë hiçin”, shkruan Vasili.
Ja postimi i plotë:
Çfarë budallëku kolektiv, or mediatikë iku Rama jo Cakë hiçi.
Edi Rama hoqi veten dhe nuk hoqi Cakën.
Kryeministri Edi Rama hoqi Ministrin e Jashtëm Edi Rama.
Budallek kolektiv, ca se i paguan KM ca se nuk thellohen, që përsërisin si budallenj, që iku Caka dhe erdhi Xhaçka.
Ky është kryeministri për faqe të zezë që ka Shqipëria, që bën sikur pranon dorëheqjen e Cakës që nuk ekziston.
Mirë Kryeministri që është në ditë të hallit, po këta mediatikë e diplomatike që lanë nam, perse nuk e pyesin Edi Ramën pse dha dorëheqjen si Ministër i Jashtëm.
Presidenti i Republikës sipas kushtetutës do shkarkojë Edi Ramën dhe jo Cakë hiçin.
