Superiorja mbyll përballjet për vitin 2020, me 30 dhjetor, ndërsa takimet e para për 2021 nisin më 9 janar. Takimet e javës së 12-të do të luhen të gjitha të mërkurën.
Përballja që mbyll sfidat për 2020 në Superiore është Kukësi-Tuta, që nis prej orës 16:45 në stadiumin “Elbasan Arena”.
Klasikja e Shqipërisë, Tirana-Vllaznia, tërheq vëmemdjen. Kampionët në fuqi duan tre pikët ndaj kryesuesve të kampionatit, për të shpresuar të mbajnë kurorën.
Laçi-Partizani është gjithashtu një duel për të mos u humbur, ndërkohë që në plan për të mërkurën janë edhe Apolonia-Kastrioti dhe Skënderbeu-Bylisi.
