BE ka filluar të shpërndajë në mënyrë të koordinuar vaksinat për të luftuar Covid-19, ndërsa zyrtarja e lartë thotë se është një “moment prekës i unitetit”. Presidentja e Komisionit Evropian Ursula von der Leyen tha të shtunën se vaksina Pfizer-BioNTech ishte dorëzuar në të gjitha 27 vendet anëtare.
Disa vende filluan të administronin dozat që të Shtunën, duke thënë se nuk ishin të gatshëm të prisnin një ditë tjetër. BE ka raportuar deri më tani më shumë se 335,000 vdekje të lidhura me Covid. Ndërsa më shumë se 14 milion njerëz janë infektuar dhe masa të rrepta bllokimi janë aktualisht në fuqi në pothuajse të gjitha vendet anëtare.
Përhapja e vaksinave vjen ndërsa rastet e variantit më ngjitës të Covid-19 konfirmohen në disa kombe evropiane si dhe Kanada dhe Japoni. Vaksinimi masiv për 446 milion njerëz të BE pritet të fillojë në orët e ardhshme pasi Agjencia Evropiane e Barnave (EMA) dhe Komisioni Evropian autorizuan vaksinën Gjermano-SH.B.A. Pfizer-BioNTech.
BE ka siguruar kontrata për më shumë se dy miliardë doza vaksinash nga një sërë ndërmarrjesh të ilaçeve.
