Janë publikuar disa nga rezultatet e autopsisë së trupit të Maradonës, të cilat hedhin poshtë thashethemet për përdorimin e drogës ose alkoolit prej tij në ditët para vdekjes.
Analizat tregojnë se ai nuk kishte marrë as ndonjë ilaç për problemet e zemrës, nga e cila vdiq.
Menjëherë pas përhapjes së këtyre lajmeve, vajza e tij, Gianinna, publikoi një mesazh polemik në Twitter, kundër atyre që kishin aluduar për probleme të reja me veset e vjetra të ish-futbollistit: “Për të gjithë bijtë e kurvës, ata që ishin duke pritur nga autopsia e babait tim për drogë, marihuanë dhe alkool: Nuk jam mjeke, por ai dukej shumë i fryrë. Zërin e kishte robotik, nuk ishte zëri i tij. Dukej qartë se kishte probleme serioze shëndetësore, nuk isha e çmendur nga mendja. Vetëm mjekët nuk e konstatuan…”
