Në Argjentinë po zhvillohet gjyqi për ndarjen nga jeta të legjendës së futbollit Diego Armando Maradona.
Siç edhe pritej, në Buenos Aires nuk kanë munguar protestat dhe një turmë e zemëruar ndaj mjekëve të akuzuar për neglizhencë ndaj ish-futbollistit.
Prokurori i çështjes, Patricio Ferrari i shtangu të gjithë në fjalimin hyrës, duke treguar një fotografi të trupit të pajetë të Maradonës, i fryrë në mënyrë ekstreme. “Kështu ka vdekur Maradona”, tha ai teksa tregonte fotografinë.
Así estaba Diego Maradona el día de su MUERTE. En la IMPACTANTE FOTO se ve lo hinchado …. nadie hizo NADA!!
En el Juicio estan Dalma, Yanina Maradona y Verónica Ojeda.
❌ Al Diego LO MATARON HDP pic.twitter.com/rLRSUnRN82
— Diego Sehinkman (@DieSehinkmanFan) March 11, 2025
Tetë persona, përfshirë mjekë, infermierë dhe neurokirurgun personal, Leopoldo Luque, janë të akuzuar për vrasje me paramendim. Ata dyshohen se ishin të vetëdijshëm për rrezikun fatal që përbënte gjendja e Maradonës, por nuk bënë asgjë për ta parandaluar.
Pak orë para se të fillonte procesi gjyqësor, vajza e Maradonës, Dalma dha një intervistë ku këmbënguli se beson në një komplot të organizuar nga grupe të fuqishme që donin ta shihnin Maradonën të vdekur.
Diego Armando Maradona u nda nga jeta më 25 nëntor 2020, në moshën 60-vjeçare, si pasojë e një krize kardiake teksa ndodhej në rezidencën e tij në Tigre, një zonë luksoze në periferi të Buenos Airesit.
Ai ishte duke u rikuperuar nga një operacion për heqjen e një hematome në tru, por hetimet kanë ngritur dyshime të mëdha mbi mënyrën si ishte trajtuar gjatë kësaj kohe.
Të shumtë janë ata në Argjentinë dhe jo vetëm, të cilët presin me ankth për të mësuar të vërtetën dhe si do të jetë fati i të akuzuarve.
