Ylli Manjani, ish-ministër i Drejtësisë, e ka konsideruar fals entuziazmi e shprehur nga ambasadorët, pas caktimit të anëtarit të 6 të Gjykatës Kushtetuese.
Manjani shprehet se Gjykata e Lartë duhet të caktojë 3 anëtarët e saj në Kushtetuese, të cilët do të bëjnë dallimin në vendimarrjen e pavarur të kësaj gjykate.
“Pa 3 të zgjedhurit nga Gjykata e Lartë, vendimmarrja në Gjykatën Kushtetuese është e mangët, e pasigurtë dhe mbi të gjitha jo e pandikueshme nga politika.
Përtej entuziazmit fallco të Ambasadorëve, ka ende punë për të ngritur Gjykatën Kushtetuese”, shkruan Manjani.
Postimi nga Ylli Manjani
Iku dhe i gjashti. Dmth u emërua.
Tani janë edhe 3, që i duhen Gjykatës Kushtetuese. 1 mund të emërohet relativisht shpejt sepse i takon nga vendet që emëron Presidenti.
Gjykata e Lartë duhet të emërojë 2+1 anëtarët e saj në Gjykatën Kushtetuese. Janë 3 të zgjedhurit e Gjykatës së Lartë ato që bëjnë dallimin në vendimmarrjen e pavarur të Kushtetueses.
Pa 3 të zgjedhurit nga Gjykata e Lartë, vendimmarrja në Gjykatën Kushtetuese është e mangët, e pasigurtë dhe mbi të gjitha jo e pandikueshme nga politika.
Përtej entuziazmit fallco të Ambasadorëve, ka ende punë për të ngritur Gjykatën Kushtetuese.
