Forca të shumta policie kanë rrethuar fshatin Seltë në njësinë administrative Zavalinë ku po qëndron i fshehur 45-vjeçari Josif Kavaja i cili terrorizoi uniformat blu dhe banorët me kallashnikov përgjatë orëve të pasdites.
Disa furgonë policie po qëndrojnë në gatishmëri në rast ndërhyrje. Në vendngjarje kanë mbërritur edhe forcat RENEA me “Snajper” për të neutralizuar 45-vjeçarin në rast se do hapë zjarr ndaj forcave të policisë.
Uniformat blu i kanë bërë thirrje banorëve të mos dalin nga shtëpitë deri në momentin e kapjes së tij. 45-vjeçari Kavaja rezulton me precedentë të mëparshëm penalë.
