Të dyshuar për vrasjen e Emiljano Ramazanit, lirohen bab e bir/ Emrat

Me kërkesën e Prokurorisë së Elbasanit, janë liruar nga burgu shtetasit Seit dhe Albert Manehasa, të cilët ishin arrestuar si të dyshuar për vrasjen e Emiljano Ramazanit, krim që u pasua dhe me disa ngjarje të rënda kriminale në këtë qytet dhe jo vetëm.

Edhe pse prej fillimit bab e bir i mohuan akuzat e ngritura ndaj tyre, pasi pretendonin se nuk kishin lidhje me ngjarjen, ata u mbajtën për disa muaj në burg, deri në përfundimin e hetimeve në lidhje me ngjarjen.

Në servisin e tyre u gjet një armë, e cila ishte përdorur në vrasjen e Ramazanit, por më pas u zbulua se ishte vendosur aty nga një person tjetër, e më konkretisht nga Klevis Kapllanaj. Ky i fundit u gjet disa kohë më pas i vrarë në Rrogozhinë, brenda makinës së ti.

LEXO EDHE  'Zhduken' 5 minorenë shqiptarë në Angli, policia nis kërkimet! Emrat (Foto)

Aktualisht prokurori i çështjes Ritvan Sukaj ka vendosur masën detyrim paraqitje dhe ndalim për të dalë jashtë shtetit për Seit dhe Albert Manehasën.

Emiljano Ramazani u vra me breshëri armësh në datën 20 Korrik të këtij viti në qytetin e Elbasanit, ndërsa ishte person me disa precedentë penalë në fushën e narkotikëve, dhe ishte arrestuar të paktën dy herë për trafik droge.