Presidenti i Rusisë ka firmosur këtë të martë ligjin e ri, që lejon ish-presidentët të mbeten deputetë për gjithë jetën e tyre në Dhomën e Sipërme të Parlamentit.
Ky ligj i ri vjen pas një sërë ndryshimesh të iniciuara nga vetë Putin, që i ka lejuar vetes të kandidojë edhe për dy mandate të tjera 6-vjeçare në krye të Kremlinit, shkruan Reuters.
Ligji tjetër, që ende nuk është miratuar, por që është mbështetur tashmë nga Dhoma e Ulët e Parlamentit rus, do t’u japë ish-presidentëve imunitet nga ndjekja penale për çdo shkelje të kryer gjatë jetës së tyre, jo thjesht gjatë kohës që kanë qenë në detyrë.
