Ish-ministri i Shëndetësisë dhe ish-deputeti i PD, Tritan Shehu, akuzon kryeministrin Edi Rama se kërkon të përdorë ndryshimet e COVID-19 për të larguar vëmendjen nga dështimet, duke veçuar në këtë rast vaksinën kundër koronavirusit.
Shehu rendit ato që dihen deri tani për variantin e ri të virusit dhe masat që duhen marrë nga qeveria si në vendet e tjera.
Ish-deputeti thekson se Qeveria duhet të marrë menjëhereë masat për vënien në punë të spitaleve periferike, sigurimin e maskave për popullsinë, si dhe për shumëfishimin e testeve.
POSTIMI I PLOTË
Ndryshimet virale kërkojnë masa inteligjente-jo Kasandra e mallkime për partnerët!
Rama kërkon të përdori ndryshimet e Covid për të larguar vëmendjen nga dështimet, veçanërisht për vaksinën dhe mallkuar partnerët për atë që kjo Qeveri nuk realizoi.
Në fakt ky fenomen genetik paraqit deri më tashti:
– Disa mutacione virale që e kanë bërë atë rreth 70% më ngjitës.
– Megjithëse nuk duket që virusi është bërë direkt më dëmtues, fakti i rritjes së shpejtësisë së transmetimit çon në mbi ngarkesë të re të sistemeve shëndetësore, gjë që ka pasoja negative mbi të sëmurët.
– Nuk ka të dhëna që ka ndryshuar efikasiteti i vaksinave.
Pra në vend të mallkimeve, Rama e qeveria e tij duhet të zhvillojnë masa adaptuese si në vendet e tjera, që korelojnë me çfarë duhej bërë, por që nuk janë realizuar:
1- Sigurimi edhe me urgjent i sasive të mëdha të Vaksinës Covid. Përdorimi i saj së paku për personelin mjekësor duhej të fillonte tek ne para 15 Janarit.
2- Rritja e shpejtësisë së përhapjes së infeksionit imponon një nivel më të lartë të kujdesit parësor, shumë fishuar edhe masat mbrojtëse për atë personel.
3- Duhet organizuar me efikasitet mjekimi “në shtëpi” i pacienteve, gratis, pavarësisht rezultatit të “tamponit”.
4- Duhen shumë fishuar testimet PCR e liberalizuar në treg “testet e shpejta”, për t’u mundësuar nga publiku kudo, në çdo farmaci, laborator, ambulator etj.
5- Duhen shfrytëzuar menjëherë spitaleve periferike, rritja e shpejtësisë së përhapjes detyrimisht çon në rritje të nevojave spitalore.
6- Me të njëjtën logjikë duhet të zgjerohen e forcohen edhe Postet e Reanimacionit në vend, që dhe aktualisht janë larg standardeve.
Të gjitha këto e të tjera si sigurimi i maskave për popullsinë, rregulla efikase etj, janë masa të kërkuara gjatë nga ne, tashti të forcoheshin!
Por Rama në dështimin e tij jo vetëm që e ka lënë gjendjen jashtë kontrollit, po edhe sot kërkon të fshihet mbas “profecive” e mallkimeve, ndaj atyre që janë shpresa jonë e vetme.
