Qeveria ka dështuar për sigurimin e dozave të vaksinave kundër Covid-19, ndërsa shpresa e vetme mbetet që ose ato të mund të sigurohen nga aleanca COVAX, ose BE, SHBA apo vende të veçanta të mund të sjellin disa doza.
Por duket se ndryshimet që ka pësuar Covid-19 dhe rastet e shfaqura në Britaninë e Madhe dhe në Itali, po përdoren si një arsye për të mbuluar dështimin.
Kjo të paktën shprehet nga Drejtori i Komunikimit në Kryeministri, Endri Fuga, i cili përmes një postimi në Twitter, ka folur për vaksinim universal.
“Shpresojmë që mutacioni i ri nuk do ta bëjë COVID-19 rezistent ndaj vaksinës ekzistuese. Por është një kujtesë kundër egoizmit kombëtar. Vendet e fuqishme mund të blejnë të gjithë dozat e vaksinës pa lënë asgjë për pjesën tjetër, por një mutacion i vogël mund ta bëjë të gjithë përpjekjen të padobishme. Vaksinimi universal është një domosdoshmëri”, shkruan Fuga.
Me logjikën e Fugës nuk është çudi që nesër të shfaqen edhe zëra të tjerë të nisin propogandën se meqë Covid-19 ka pësuar mutacion, vaksinat janë të padobishme. Dhe me këtë propogandë të synohet të mbulohet dështimi për gjetjen e vaksinave, apo sigurimin e kontratave që do të mund të mbronin popullatën.
Hopefully the new mutation won’t make 🦠 resistant to existing 💉. But it’s a reminder against national selfishness. Powerful countries can buy all stock of 💉 without leaving anything for the rest, but then a tiny mutation can make all the effort useless. Universal 💉 is a must.
— Endri Fuga (@endrifuga) December 20, 2020
Gjithsesi asnjë studim i deritanishëm nuk ka treguar se mutacioni që ka pësuar Covid-19 mund të zhvlerësojë vaksinat, sikundër askush nuk e pengoi Qeverinë shqiptare apo Kryeministrin Edi Rama, që ashtu sikundër shumë vende të tjera të negocionin direkt me kompanitë prodhuese dhe të siguronin dozat e vaksinave.
