Kryeministri Edi Rama deklaroi disa ditë më parë se po të mos ishte Kreu i Qeverisë do të protestonte për vrasjen e Klodian Rashës nga një efektiv i repartit Shqiponja. Por Rama tha se nuk do të protestonte dhunshëm, sikundër u zhvilluan protestat nga ata që Kryeministri i quajti edhe “Boko Haram”.
Lidhur me deklarimet e Ramës, ka reaguar ish-ministri i Drejtësisë, Ylli Manjani, i cili duke ironizuar shkruan se Kryeministri bën mirë që thotë se “do protestonte, po të mos ishte në pushtet”, e imagjinojmë këtë gjë se si do ishte rrafshuar para kryeministrisë, pa maskë madje.
“Por nuk e di a do ti pëlqente dajaku, gazi lotsjellës, shoqërimi i dhunshëm në polici?! Nuk e di a do ishte dakord që policia të rrihte të rinj e ca më keq minorenë !?
Imagjinoj emailet që do ti shkruheshin Callaveres për dhunën e egër…, veçanërisht ndaj gazetarëve”, shkruan Manjani.
