Kryeministri Edi Rama më në fund e ka pranuar se në masat anti-Covid, Shqipëria ka kopjuar Turqinë. Nuk kishte si të ndodhte ndryshe, përderisa Kryeministri në pothuajse të gjitha sjelljet e tij, kopjon liderët autoritaristë, që duket se i shikon si modelet më të mira.
Shqipëria mund të kishte kopjuar Gjermaninë, Izraelin, Sllovakinë apo Sllloveninë, Hungarinë apo Austrinë. Por jo, modeli i zgjedhur për përballimin e pandemisë është Turqia. Shpeshherë në kaosin e deklaratave ishte Kryeministri që njëherë për masat që merrte ia faturonte OBSH, më pas përmendte vendet e BE-së, deklaronte se ishim edhe më mirë se Gjermania, Franca apo Italia, ndërsa testimet mbeteshin në nivelet më të ulëta dhe sot askush nuk e ka një panormë të qartë mbi ecurinë e virusit në Shqipëri, sa janë realisht personat që e kanë kaluar përtej shifrave zyrtare që raportohen, duke iu referuar numrit minimal të testimeve.
Pa sqaruar se në cilin drejtim ka kopjuar Turqinë në masat anti-Covid, kur dihet se as infrastrukturën spitalore apo shëndetësore nuk e kemi jo të ngjashme, por as në nivelet më të ulëta që mund të ketë ai vend, Rama tha se masat e marra nga Qeveria në fillimin e pandemisë, i dhanë kohën e nevojshme institucioneve që të përgatiteshin.
Në fakt e vetmja masë që Rama mori në muajt e parë të pandemisë ishte lock down total, nxjerrja e ushtrisë dhe policisë në rrugë, madje të armatosur, ndërsa apeli qoftë nga OBSH ashtu edhe nga çdo vend europian i BE-së, ishte testo, gjurmo trajto.
Dhe nëse Kryeministri do të kishte kpjuar modelin turk, pyetja që lind është: pse shqiptarët prenotonin charterat spitalorë për të shkuar drejt spitaleve turke drejt Turqisë për t´u kuruar, ndërsa në Shqipëri gjendja e tyre ishte në përkeqësim?
“Duke shëmbyer eksperiencat ne njehësojmë qasjet ndaj këtij armiku të padukshëm dhe aq më shumë rritet mundësia e fitimit të kësaj lufte. Ne jemi përpjekur gjatë gjithë kësaj periudhe të mësojmë më shumë nga të tjerët. Dhe një nga vendet që kemi patur shkëmbime eksperiancash më shumë këto kohë është Turqia. Sa më shumë opinioni të didktohet nga ekspertët aq më shumë vendimarrja është e sukseshme.
Të udhëhequr nga Komuniteti i saj Shkencor Turqia mori disa hapa izoluese përpara se OBSH-ja ta shpallte pandeminë botërore. Vendimi i ekspertëve i dha kohë qeverisë dhe institucioneve të përgatiteshin. Gjithashtu Turqia kishte një plan për pandemitë të miratuar në vitin 2019 çka e ndihmoi në këtë betejë ndaj virusit.
Shembulli i Turqisë na ndihmoi dhe ne të ishim të përgatitur ndaj valës së parë të pandemisë. Ne besoj që kemi hedhur hapat e duhur, por në këtë proces siç bien dakort të gjithë, e panjohura është çdo ditë përpara nesh. Dhe parashikueshmëria mbetet jo e plotë, pasi hapat dhe vendimarrjet janë në ndryshim të vazhdueshëm.
Dua ta them dhe në prani të miqve turq se më vjen mirë që kemi patur fatin të kemi një Komitet Ekspertësh se nuk kanë diçka më pak sesa ekspertët dhe strukturat e ekspertizës në vendet e zhvilluara. Duke qenë se i takon atyre për vendimet që do të marrin dhe nuk i takon politikës, ne kemi arritur një sinergji mjaft të mirë mes vendimeve të qeverisë dhe rekomandimeve të ekspertëve”, tha Rama.
