Shefja e Departamentit të Epidemiologjisë dhe Kontrollit të Sëmundjeve Infektive në Institutin e Shëndetit Publik (ISHP), Silva Bino, tha mbrëmjen e sotme në emisionin “Open” se vaksinat në Shqipëri mbërrijnë në 3 mujorin e parë të 2021.
Bino tha se Covax, ku bën pjesë edhe Shqipëria, ka siguruar 700 mln doza, ndërsa do të sigurohen 2 bilionë doza.
“Nuk ka asnjë informacion se ku i ka gjetur Covax këto doza, pasi ato në marrëveshjet e tyre janë shumë të fshehtë”, tha Bino.
Ajo theksoi se Shqipëria përfshihet te vendet me të ardhura mesatare dhe këtu vaksinat do të vijnë kur të nisi shpërndarja e tyre në vendet me të ardhura mesatare.
