Agjencia Europiane e Barnave njoftoi ditën e të martë se komiteti që pritet të rekomandojë autorizimin për vaksinën BioNTech dhe Pfizer do të takohet në 21 dhjetor. Kjo do të thotë që autorizimi zyrtar pritet vetëm disa ditë më vonë.
Ndër vendet e para që kanë dhënë aprovimin dhe kanë nisur fushatën e vaksinimit janë Britania dhe SHBA. SHBA madje është në ditët e fundit të miratimit të vaksinës së kompanisë Moderna, duke lënë kështu Europën mbrapa. BE ka ndjerë një presion më të lartë nga vetë liderët e shteteve të bllokut.
Ministri italian i Shëndetësisë, Roberto Speranzo është shprehur se EMA duhet të jetë në gjendje të miratojë vaksinën BioNTech dhe Pfizer më herët sesa pritej dhe që vaksinimet të fillojnë në vendet e Bashkimit Europian sa më shpejt të jetë e mundur.
Britania e Madhe, vendi i parë perëndimor që miratoi vaksinën, përdori një mekanizëm të BE që lejon vendet anëtare të miratojnë përkohësisht një ilaç gjatë një emergjence. Sipas dispozitave të tranzicionit të Brexit, Britania e Madhe ende ndjek disa rregulla të EMA por zgjodhi të mos ishte pjesë e planit të blerjes së vaksinave të BE.
Shkak për vonesën e miratimin të vaksinës në Europë, është hezitimi mbi sigurinë dhe efikasitetin e vaksinës. /Politico.eu
