Imunologu i njohur, Genc Sulçebe, tha mbrëmjen e sotme, në emisionin Open, se ne kemi nevojë për 2 milionë doza vaksinash, të cilat mund të sigurohen nga një partner europian apo një shtet fqinj.
Sulçebe tha se çmimet e Pfizer dhe Moderna janë shumë më të larta se ato që mund të sigurojë Covax dhe e vetmja shpresë e afërt për vaksinën që mund të sigurohen përmes kësaj nisme është ajo e Astra Zenica.
“Vaksinat e tjera të kontraktuara nga COVAX, nisur nga çmimet e ulëta, janë shumë larg. Mendoj se Shqipëria ka nevojë për 2 milionë doza, të cilat mund të sigurohen përmes kontratave që shteti siguron ose me kompanitë prodhuese, ose në marrëveshjet me shtetet e tjera. Dy milionë doza duhen për të krijuar imunizimin e shpejtë”, tha Sulçebe.
