Gjykata e Posaçme Apelit ka lënë në fuqi dënimin e shkallës së parë për Armand Koçerrin, anëtarin e vetëm të grupit të Habilajve në Shqipëri.
Koçerri akuzohet për pjesëmarrje në grup kriminale, trafik narkotikësh dhe mbajtje pa leje e armëve dhe municionit. Prokuroria e Krimeve të Rënda Prokuroria kërkoi 15 vite burg për Koçerrin, por dënimi u ul në 10 vite, si pasojë e gjykimit të shkurtuar. Pas ankimimit edhe Apeli ka lënë sot në fuqi vendimin e dënimit me 10 vite burg.
Kocerri u zbulua si pjesë pjesë e bandës pasi kishte komunikime telefonike me Moisi dhe Florjan Habilajn, dhe u arrestua në Shqipëri për katër tonë hashash që u kap në Babicë. Ai kishte rol ndihmues në grup pasi kishte qënë me detyrë infermier në spitalin e Vlorës. Sipas organi të akuzës Infermieri nga Vlora, në grupin kriminal të Habilajve, kishte pasur rolin e magazinerit të një sasie prej rreth 4.5 tonë hashash. Sasia e drogës u sekuestrua 3 vite me parë në fshatin Babicë e Vogël të Vlorës. Organi i akuzes ishte shprehur se në vitin 2017, kur është arrestuar, Koçerrit i ishin gjetur 7 aparate celularë.
Koçerri i përdorte këto telefona për të mbajtur kontakte të vazhdueshme me bashkëpuntorët Mojsi Habilaj, Florian Habilaj, Nazer Seiti, Sabaudin Cela. Gjithashtu organi i akuzës vërtetoi se në banesën e Koçerrit është gjetur edhe një gomone në pronësi të Florian Habilajt, e cila do të shërbente për trafikimin e lëndës narkotike drejt Italisë.
Anëtarët e tjerë të grupit Habilaj po përballen me drejtësin Italiane.
