Trajneri i Vllaznisë, Thomas Brdaric ka dalë përpara medieve për të folur lidhur me ndeshjen që Vllaznia do të luaj me Partizanin.
Nesër në 16:45, “Loro Boriçi” pret duelin e javës së tetë të Superligës, me trajnerin kuqeblu që theksoi se Vllaznia do i tregojë Partizanit sa vlen.
“Jam shumë I kënaqur që kemi në fushë të gjithë lojtarët dhe jemi përgatitur edhe për ndeshjen e radhës. E di me kë kemi të bëjmë dhe si do veprojmë në fushë. Lojën e vlerësoj në maksimum, duke bërë të njëjtën gjë për të arritur diçka të tillë. Kemi edhe një seancë stërvitore sot, aty ku do marrim përgjigjet e duhura edhe për formacionin me të cilin do të luajmë me Partizanin”, tha trajneri Brdaric në fillim.
Trajneri kundërshtar ka thënë se asnjë pretendent nuk i ka mposhtur, ka ardhur koha? Nuk do të merrem me deklarata të tilla të trajnerit Daja, nuk jam tipi I tillë. I lë përgjigjen fushës. Di sesi vepron Partizani dhe kemi ndjekur ecurinë e tyre me përpikmëri. Kmei parë që kanë forcë dhe kanë mbledhur pikë në fushën e lojës. Siç kemi bërë në ndeshjet e shkuara do bëjmë edhe nesër, duke e marrë seriozisht për t’i treguar se kush është Vllaznia. Nëse kemi përqëndrim 100 përqind, do ia dalim.
Objektivi? Në radhë të parë përqëndrohemi nga ndeshja në ndeshje, shijojmë momentin. Jemi në fillim të një procesi të gjatë ndërtimi dhe lojtarët kanë nevojë për motivim dhe mbështetje. T’i japim idenë për uri, që të ecin përpara. Nuk mund t’iu jap një përgjigje definitive, kjo do të shihet në vazhdim. tha Brdaric.
