Abuzoi me të miturën për dy vite, gjykata jep ‘arrest me burg’ për 57- vjeçarin Ajet Dume.

Burg pa afat për 57-vjeçarin që abuzoi seksualisht me 10 vjeçaren nga Kuçova .
57-vjeçari Ajet Dume është arrestuar nga policia pasi akuzohet se ka abuzuar seksualisht prej 2-vjetësh me një vajzë të mitur 10-vjeçe. Ngjarja ka ndodhur në lagjen “1 Maji” në Kuçovë, në banesën e 57-vjeçarit Ajet Dume, ku jetonte edhe familja e vajzës prej 3 vitesh.
Të shpërngulur nga një fshat i Skraparit, familja e 10-vjeçares ishte vendosur në dy dhoma në ruajtje, pronësi të 57-vjeçarit të cilat ndodheshin në të njëjtin banesë. Gjatë denoncimit 10-vjeçarja me inicialet A.D, e shoqëruar nga prindërit dhe një psikologe, ka shpjeguar gjithë historinë e abuzimit 2-vjeçar.
Pas denoncimit të bërë nga minorenia 10-vjeçare si dhe vizitës mjeko-ligjore, është vërtetuar se mbi të është abuzuar në mënyrë sistematike. Pasi ka kryer të gjitha veprimet e para procedurale, policia e Beratit vuri në pranga 57-vjeçarin Ajet Dume, nën akuzën e “Marrëdhënieve seksuale me të mitura”. Gjykata e rrethit Berat ka dhën masën arrest në burg për 57 vjeçarin Ajet Dume. Sipas akuzës “Mardhënie seksuale me të mitur”.