Pas Ministrisë së Brendshme dhe Kryeministrisë, protestuesit iu drejtuan sheshit “Skënderbej”, ndërsa sulmuan me gurë bashkinë e Tiranës duke thyer xhamat e disa dritareve dhe një nga hyrjet.
Revolta e qytetarëve është ashpërsuar pasi policia përdori gaz lotsjellës kundër tyre me qëllim shpërndarjen e protestës.
“Hajdeni thyejmë drejtorinë e policisë së Tiranës” dëgjohen thirrjet e protestuesve, pasi i kanë vendosur flakën edhe pemës së Krishtlindjeve në sheshin “Skënderbej”.
Nuk përjashtohet mundësia që në fund të tubimit, qytetarët të zhvillojnë një marshim drejt shtëpisë së Klodian Rashës që u ekzekutua dje nga një efektiv policie.
Protestuesit kanë deklaruar se do të vijojnë me vendosmëri qëndresën deri në vendosjen e drejtësisë dhe largimin e Sandër Lleshajt.
