Situata në spitalet Covid vijon të paraqitet alarmante. Gjatë ditës së sotme ka pasur një fluks ambulancash drejt spitaleve Covid1, 2 dhe 3. Video e mëposhtme tregon situatën në spitalin Covid2 ose i njohur ndryshe si “Shefqet Ndroqi”, ku shfaqen në rrjesht ambulancat që presin të shtrojnë pacientët.
Video është publikuar nga mjeku Ilir Allkja, ndërsa sipas tij kjo është një situatë që përballen çdo ditë mjekët.
Ai apelon për ti dhënë fund propogandës qeveritare, ndërsa kërkon shtimin e kapaciteteve spitalore. Megjithëse qeveria ka deklaruar hapjen e 4 spitaleve Covid, sërisht ka një fluks ambulancash te Shefeqet Ndroqi dhe Infektivi, dy spitalet Covid që po përballojnë fluksin e shtrimeve.
Ndoshta ka ardhur koha që të vihen në funksion spitalet rajonale, sikundër është deklaruar se janë gati për të shmangur flukset e qytetarëve nga rrethet e vendit, që i mbingarkohen pacientëve të Tiranës.
