Një grup shqiptarësh që grabisnin banesat janë arrestuar nga policia italiane, e cila gjatë një operacioni arriti të rikuperonte rreth 100 mijë euro mallra të vjedhura.
Midis sendeve të sekuestruara, janë koleksione antike të argjendta, orë të çmuara dhe xhevahire të llojeve të ndryshme.
Policia u vu në ndjekje të grupit që realizonte vjedhjet, pasi u realizua një grabitje në një shtëpi në Pellezzano. Më herët ishte vjedhur një tjetër banesë në luginën Irno.
Karabinierët identifikuan shqiptarët ndërsa ishin në këmbë, përgjatë hekurudhës dhe përgjatë lumit, ata po përpiqeshin të largoheshin përsëri me mallrat e vjedhura.
Grupi u identifikua gjithashtu në bordin e një BMW por për të shmangur ndjekjet dhe për të rrezikuar sigurinë publike, policia preferoi të mos ndërhynte.
Besohet se banda mund të jetë gjithashtu autorë e vjedhjeve të tjera që ndodhën me të njëjtin “modus operandi”.
Strategjia e tyre ishte fillimisht prerja e telave të energjisë elektrike dhe ndriçimit të shtëpive private që kishin shënjestruar për të grabitur.
