Napoli kujton Rejan, portreti i tij vendoset në metronë e qytetit

Ditën e sotme është inauguruar metroja e Napolit, një vepër e rëndësishme infrastrukturore për qytetin e njohur jugor Italian.

E veçanta është se në brendësi të metrosë, në faqet e mureve janë vendosur foto apo piktura të personazheve të famshme që kanë lënë gjurmë në historinë e këtij qyteti. Ndër to spikat edhe një pikturë e një personazhi shumë të njohur për shqiptarët.

Është pikërisht Edoardo Reja, trajneri i Kombëtares shqiptare të futbollit, i cili ka lënë gjurmë te skuadra e famshme napolitane.

Piktura e portretit të Rejas është vendosur pikërisht në stacionin e metrosë që të çon në stadiumin që tashmë do të mbajë emrin e legjendës argjentinase, Diego Armando Maradona, i cili u nda nga jeta më 25 nëntor 2020.

LEXO EDHE  Bayern Munich mposht me vështirësi ekipin e Abrashit, Lewandowski në histori

Reja është mjaft i dashur për Napolin për faktin se e mori skuadrën në vitin 2005 kur militonte në Serie C dhe arriti ta ngjisë në Serie A e më pas në nivelet më të larta të futbollit italian gjatë katër viteve që ai punoi me këtë klub.