Ministri i brendshëm Sandër Lleshaj në studion e Opinion deklaroi se situata e krimit në Shqipëri është në nivelet më të mira historike. Në një kohë që krimi i organizuar dhe raportet e ndërkombëtarëve e kanë nxirë Shqipërinë, Lleshaj deklaron se vendi nuk është në dram dhe këtë ë mbështet tek shifrat.
Sipas Lleshajt jemi në situatën më të mirë të 30 viteve.
Ndërkohë lidhur me deklaratën e Prokurorit të Përgjithshëm Olsian Çela se Elbasani kontrollohet nga bandat, Lleshaj tha se nuk ka dijeni për këtë deklaratë dhe se Elbasani kontrollohet nga qytetarët.
Ai tha se asnjë cep i Shqipërisë nuk kontrollohet nga krimi.
Më tej Lleshaj tha se në pikëpamje statistikore Tirana ka numrin më të madh të kriminalitetit dhe se krimi është i shpërndarë në të gjithë shqipërinë sipas statistikave.
Lleshaj tha se edhe për Vlorën është bërë legjend, por për të situata nuk është e rëndë edhe pse janë rrëmbyer persona dhe janë vrarë me dinamit.
