Artan Hënaj dhe Maksim Celaj kanë rifituar lirinë pas 4 vitesh. Ata ishin të akuzuar për tragjedinë në Nisë të Francës që ndodhi më 14 Korrik 2016 dhe mori jetën e 86 personave pasi një ekstremist tunizian lëshoi kamionin 19-tonësh drejt banorëve.
Shqiptarët do të hetohen në gjendje të lirë për trafik armësh pasi akuzohen se luajtën një rol në furnizimin me armë të terroristit Mohamed Lahouaiej-Bouhlel.
Dy kushërinjtë u akuzuan fillimisht për pjesëmarrje në një “organizatë terroriste kriminale”, por ata në fakt do të gjykohen për vepra penale me qëllime terroriste dhe për “Mbajtja pa leje dhe prodhimi i armëve, armëve shpërthyese dhe i municionit”. Hetimi arriti në përfundimin se dy individët nuk kishin njohuri për qëllimet terroriste të Mohamed Lahouaiej-Bouhel.
Gjyqtari i anti-terrorizmit vendosi t’i mbajë ata në paraburgim deri në gjykimin e tyre. Sidoqoftë, gjykatësi nuk shkroi një urdhër të ri padie. Sipas ligjit, kjo është një e metë procedurale, e cila nënkupton lirimin e menjëhershëm të personave në fjalë.
Njëri nga dy kushërinjtë nuk ishte në gjendje të gëzonte lirinë për shumë kohë, pasi ai u vendos menjëherë në një qendër të paraburgimit administrativ. “Bëhet fjalë për verifikimin e lejes së tij të qëndrimit; dhe ai nuk ka asnjë,” shpjegon avokati Karim Laouafi, i cili mbron Artan Henaj.
Këta dy kushërinj dyshohet se i dorëzuan armët një të dyshuari të tretë, të shkarkuar për terrorizëm, njëri prej të cilëve , një pistoletë , që përfundoi në duart e vrasësit të Nicës dhe u gjet në kamionin e përdorur për të marrin jetën e 86 personave dhe plagosën më shumë se 500 njerëz.
