Vrasja në Shkodër, Gjykata jep masat e sigurisë për 3 të arrestuarit nga policia

Gjykata e Rrethit Gjyqësor në Shkodër ka dhënë masën “arrest me burg” për shtetasin Milkjor Gjoka, i dyshuar si bashkëpunëtor në vrasjen e Ridvan Hysenit, ngjarje e ndodhur në fshatin Mushan të njësisë Dajç.

Ndërkohë gjykata ka dhënë masën lehtësuese “detyrim me paraqitje” për dy dëshmitaret Blerim Mlloja dhe Marjeta Gramshi, të arrestuar për “moskallezim krimi” si dëshmitar në vrasjen e 46 vjeçarit.

Ka qenë vetë prokuroria që kërkoi masën detyrim paraqitje për dy dëshmitarët, ndërsa për Milkjor Gjokën u kërkua masa arrest me burg.

Shtetasi Milkjor Gjoka deklaroi se ai nuk ka asnjë lidhje me vrasjen e ndodhur duke mohuar akuzat ndaj tij. Gjoka tha se ka qenë rastësisht në vendin e ngjarjes, në vendin e gabuar dhe në momentin e gabuar duke mohuar se ka bashkëpunuar me vëllezerit Mehmedaj që dyshohen si autore të vrasjes së Ridvan Hysenit ose i njohur edhe si Ridvan Ramazani.

LEXO EDHE  Elbasan/ U vihet flaka dy makinave gjatë natës

Ndërkohe Milkjor Gjoka nuk ka dhënë sqarime të mëtejshme rreth ngjarjes. Pala mbrojtëse kërkoi një masë më lehtësuese por gjykata vendosi “arrest me burg”.