Sot luhen takimet e javës së pestë të Superiores. Tre ndeshje nisin prej orës 13:45, ndërsa kampionët në fuqi të Tiranës, që luajnë në Kamëz kundër Kastriotit që ka surprizuar në javët e para dhe renditet në vendin e dytë në kampionat.
Sfidë po ashtu interesante luhet në Ballsh, ku vendasit që nuk e kanë provuar shijen e fitores presin Teutën e mbërthyer pas barazimeve në shtëpi.
Sot Laçi ka mundësinë të provojë shijen e fitores, me Stavri Nicën në krye, kundër Apolonisë.
Më pas vijnë ndeshjet e orës 16:45 dhe vëmendjen e merr një tjetër derbi i veriut. Vllaznia-Kukësi është një ndeshje që mund të cilësohet si më e rëndësishmja e ditës së sotme në kampionatin shqiptar, duke pasur parasysh që shkodranët kanë një ecuri mjaft të mirë në këtë fillim sezoni.
Kukësi u çlirua në mesjavë, pas fitores me Laçin dhe do kërkojë të marrë sërish pikë.
Ndeshje tjetër që luhet sot është ajo mes Partizanit dhe Skënderbeut që pikët e vetme i ka marrë në ndeshjet jashtë.
