Një sasi mbi 30 kilogram lëndë narkotike e llojit heroinë është sekuestruar mesditën e sotme në Elbasan.
ABC ka siguruar detaje të reja nga ky operacion ku mësohet se droga ishte e fshehur në bagazhin e një makine tip Citroen. Lënda narkotike ishte kamufluar mes druve në bagazhin e makinës.
Në kuadër të këtij operacioni janë arrestuar tre persona të cilët ndodheshin në makinë e cila dyshohet se është nisur nga Turqia dhe destinacionin e saj final e ka pasur në Greqi.
