Taulant Muka, epidemiolog, i cili prej kohësh jeton në Zvicër, tha se besonte se brenda muajit prill, do të ketë një zgjidhje të situatës së pandemisë së Covid-19. Muka tha se vaksinat do të ndikojnë në këtë situatë, por shtoi se varet se kur kjo vaksinë mbërrin në Shqipëri.
“Çështja e Covid-19 është kthyer në një situatë më shumë politike sesa shkencore dhe kjo po ndodh”, tha Muka.
Lidhur me koncertin te “Shefqet Ndroqi”, epidemiologu tha se “ishin pamje shokuese, nuk ka ndodhur në asnjë spital në Botë. Mendoni se aty ka pacientë në gjendje të rëndë shëndetësore dhe mendoni tani të shkosh dhe të bësh muzikë. Është skandal ajo që ka ndodhur”.
“Nga ana e menaxhimit të situatës Covid, me këtë Komitet Teknik, shikoj se ka një mungesë të theksuar të profesionalizmit.
Shikoni se çfarë ndodhi në verë, sipas shifrave të INSTAT kanë humbur jetën mbi 1300 qytetarë më shumë se e njëjta stinë e viteve të kaluara. Sa prej tyre kanë vdekur nga Covid? Sa prej tyre kanë vdekur se nuk merrnin dot shërbimin në spitale për shkak të izolimit 3 mujor? Sa prej tyre humbën jetën si pasojë e depresionit dhe problemeve ekonomike”, u shpreh Muka.
