Kryeministri Edi Rama e ka nisur sot ditën duke ndarë lajmin me ndjekësit e tij për hapjen e spitalit Covid-4. Në një postim në rrjetet sociale, Kryeministri shkruan se spitali është gati, por qytetarët duhet të kujdesen për veten.
“Spitali Covid4 është gati me gjithçka duhet në vijën e zjarrit, por ju lutem kujdesuni për veten e të tjerët, sepse kjo luftë ku ne s’do të lemë asgjë mangut, deri në fund, fitohet vetëm duke bërë secili të vetën”, shkruan Rama.
Prej kohësh Kryeministri Edi Rama ka deklaruar se spitalet Covid janë gati, ndërsa pas Infektivit dhe Shefqet Ndroqit, që u kthyhen në spitalet Covid1 dhe Covid2 me nisjen e pandemisë, u rikonstruktuan edhe dy godina të tjera që u quajtën Covid3 dhe Covid4.
Prej ditësh mediat kanë denoncuar rastet kur pacientët duhet të presin në ambulanca me orë të tëra për t’u shtruar në spital, ndërsa kjo sipas Ministrisë së Shëndetësisë nuk ka të bëjë me mungesën e vendeve, por me tranazhimin e pacientëve.
