Pedagogu i njohur, Erion Kristo, një prej aktivistëve të shoqërisë civile, përmes një postimi në rrjetet sociale, i ka drejtuar një apel Qeverisë që të mos cënojë liritë qytetare.
“Njerëzit po vuajnë, jeni shumë të ngadaltë. Përdorni doktorët për sulme politike, po s´keni gjë në terezi”, shkruan Kristo.
Sipas tij, Qeveria u angazhua për të vendosur rregull në transportin publik, por s´bëri gjë, ndërsa kërkon të mbylli me forcë Liqenin Artificial.
“Po shoh se qeveria ka probleme me Liqenin Artificial. Duan ta mbyllin me zor. Gjithashtu kanë dhe një urrejtje për studiot televizive. Prite kur të nisin udhëzime.
Nuk vjen e keqja nga studiot, as nga ajri i pastër i Liqenit. Mos cenoni liritë qytetare! Ruani barazinë para ligjit! Pse nuk gjobisni lokalet e “rilindasve”? Gjoja do vinit rregull në transportin urban. Asgjë nuk bëtë.
Përdorni doktorët për sulme politike. Po s’keni asgjë në terezi. Njerëzit po vuajnë. Jeni shumë të ngadaltë”, shkruan Kristo në reagimin e tij në rrjet.
