Rreth 600 gram tritol i ishte vendosur një automjeti në Vlorë, ndërsa lënda plasëse u zbulua nga pronari i mjetit, i cili njoftoi policinë.
Ngjarja ka ndodhur rreth orës 01:00, ndërsa forcat xheniere kanë kryer shpërthimin e telekomanduar dy orë më pas.
Makina ka qenë e parkuar në lagjen pranë Kuzum Babas.
“Mesnatën e djeshme, në lagjen “Hajro Çakërri”, Vlorë është marrë informacion se poshtë një automjeti të markës “Benz” në pronësi të shtetasit S. B. që ishte i parkuar ndodhej një pako e vogël e dyshuar me lëndë plasëse.
Menjëherë në vendngjarje kanë shkuar shërbimet e policisë, të cilat vendosën perimetrin e sigurisë dhe forcat antieksploziv të Reneas, të cilat pas veprimeve të para bënë çaktivizimin e pakos e cila kishte brenda saj lëndë plasëse
Grupi hetimor po vijon punën për zbardhjen e rrethanave të ngjarjes si dhe për identifikimin dhe kapjen e autorit”, tha policia.
