Kreu i Partisë Demokratike Lulzim Basha, ka reaguar pas deklaratave të Ramës se me vdekjet nga koronavirusi po bëhet politikë kundër shqiptarëve. Nëpërmjet një deklarate për mediat, Basha tha se Rama po gënjen lidhur me situatën e Covid-19.
“Ai ka gënjyer në lidhje me numrat e viktimave. Nuk janë shifra, por janë qytetarë, janë nëna, baballarë që kanë humbur jetën. Pasi i ka braktisur dhe i ka lënë pa asnjë mbështetje mjekët dhe infermierët në frontin e përballjes me pandeminë, ai po i keqpërdor ata”, – u shpreh Basha.
Kreu i PD-së ka kërkuar që Rama të pranojë hetimin, nëse nuk ka asgjë për të fshehur.
“Në vend që të ndihmojë shqiptarët, në vend që të përballet me të vërtetën dhe realitetin, Rama vazhdon avazin e sulmeve politike dhe gënjeshtrave. Nëse nuk ke asgjë për të fshehur, prano direkt një hetim të plotë të të gjithë informacioneve që jo mjekët, por ti, ke fshehur në lidhje me viktimat e COVID-19. Boll u fshehe pas gënjeshtrave dhe sulmeve politike. Jepu përgjigje të vërteta qytetarëve të Shqipërisë”, – theksoi Basha.
Deklarata e Bashës:
Shqiptarët prisnin sot përgjigje.
Por Rama vazhdon të gënjejë dhe t’i ikë përgjegjësisë.
Ai ka gënjyer në lidhje me numrat e viktimave. Nuk janë shifra, por janë qytetarë, janë nëna, baballarë që kanë humbur jetën.
Pasi i ka braktisur dhe i ka lënë pa asnjë mbështetje mjekët dhe infermierët në frontin e përballjes me pandeminë, ai po i keqpërdor ata.
Mashtrimi me shifrat zyrtare është përgjegjësi e Ramës, jo e mjekëve që po sakrifikojnë gjithçka në këtë betejë.
Ai ka braktisur shqiptarët dhe familjet e tyre, për të cilat nuk jep asnjë mbështetje financiare nga qeveria.
Rama po shpërfill dhimbjen dhe vuajtjet e qytetarëve, që kanë nevojë për ndihmë.
Njerëzit po vdesin përditë.
Spitalet po kolapsohen.
Biznesi po falimenton.
Varfëria dhe papunësia po rriten.
Në vend që të ndihmojë shqiptarët, në vend që të përballet me të vërtetën dhe realitetin, Rama vazhdon avazin e sulmeve politike dhe gënjeshtrave.
Nëse nuk ke asgjë për të fshehur, prano direkt një hetim të plotë të të gjithë informacioneve që jo mjekët, por ti, ke fshehur në lidhje me viktimat e COVID-19.
Boll u fshehe pas gënjeshtrave dhe sulmeve politike. Jepu përgjigje të vërteta qytetarëve të Shqipërisë.
LEXO EDHE:
Akuzat/ Rama: Kapërcen kufijtë e demokracisë të sulmosh qeverinë se po fsheh vdekjet
DENONCO