Fitorja e ngushtë e Presidentit të zgjedhur të SHBA Joe Biden në Xhorxhia është certifikuar zyrtarisht nga Sekretari Republikan i Shtetit Brad Raffensperger.
Kjo vjen ndërsa përpjekjet ligjore të aleatëve të Donald Trump për të sfiduar humbjen e tij u hodhën poshtë në tre shtete të tjera.
Demokrati mundi rivalin e tij Republikan në Xhorxhia me 12,670 vota, sipas kontrollit të kërkuar nga ligji i shtetit.
Z. Raffensperger të Premten tha se ishte i zhgënjyer që partia e tij humbi, por që “numrat nuk gënjejnë”.
Z. Biden është vendosur të marrë detyrën në janar si presidenti i 46-të i SHBA.
Marzhi i fitores së Z. Biden në votimet e publikut në përgjithësi qëndron në më shumë se 5.9 milion. Fitorja e tij në sistemin e Kolegjit Zgjedhor të SHBA, i cili përcakton se kush bëhet president, parashikohet të jetë 306 me 232 – shumë më shumë se 270 që i duhen për të fituar.
