Kreu demokrat, Lulzim Basha, u shpreh sot se Shqipëria është vendi që u jep qytetarëve më pak ndihmë ekonomike. Ndërsaka reaguar ndaj rritjes së çmimeve në kohën e pandemisë, Basha, referuar raportit të Eurostat, tha se
Shqipëria u rendit e katërta në Europë për rritjen e përgjithshme të çmimeve këtë tetor.
“Çmimet e ushqimeve u rritën me 6.6%. Çmimet e transportit u rritën me 3.4%.
Për 7 vite, Rama e ka rrënuar ekonominë. Tani, gjatë pandemisë, Shqipëria është vendi që u jep qytetarëve më pak ndihmë ekonomike.
Qytetarët shqiptarë kanë nevojë për një qeveri që punon për ta.
Një qeveri që nuk është e zënë me politikë, por me kthimin e të papunëve në punë, ringjalljen e ekonomisë tonë dhe uljen e kostos së jetesës.
Një qeveri që do të sjellë shpresë të re për Shqipërinë”, shkruan Basha.
