Gjykata e Posaçme Kundër Korrupsionit dhe Krimit të Organizuar ka dënuar me 120 orë punë të detyrueshme në komuniktet Vilson Meminin, i akuzar për “korrupsion aktiv i personave që ushtrojnë detyrë publike”.
Memini u vu nën hetim nga ana e Prokurorisë së Posaçme, pasi ai tentoi të korruptonte një efektiv policie duke i dhënë 1 mijë lekë të reja. Ky është vendimi i parë që GJKKO dënon një person të akuzuar për korrupsion.
Burime nga Gjykata e Posaçme bëjnë me dije për Fax News se ka edhe shumë raste të tjera të kësaj natyre që janë nënshqyrtim në këtë institucion, i cili u ngrit për të hetuar e gjykuar korrupsionin në nivele të larta.
Vendimi vjen vetëm 3 ditë, pasi ambsadaorja amerikane Yuri Kim, në postim në Twitter, inkurajonte SPAK të qëndronte fort dhe të hetonte korrupsionin.
“Hetimet dhe akuzat e SPAK-ut janë inkurajuese — një shenjë e qartë që SPAK po ecën hap pas hapi për të luftuar korrupsionin dhe krimin e organizuar. Vazhdoni rrugën. Qëndroni të fortë. Vazhdoni të bëni punën tuaj të rëndësishme. SHBA jane me popullin shqiptar në mbështetje të reformës në drejtësi”, shkruante ambasadorja.
