Kreu demokrat, Lulzim Basha, përmes një postimi në rrjetet sociale thekson se biznesi shqiptar kërkon një shpresë të re, ndërsa shton se vendit i duhet një Qeveri që i ndihmon, jo vetëm u merr taksat.
Ndërsa akuzon Kryeministrin Edi Rama se ka humbur kontrollin mbi pandeminë dhe rrënoi bizneset e mëdha që punësojnë dhe prodhojnë, Basha thekson se ato nuk kanë marrë ndihmën e duhur nga qeveria.
“Kreditimi për biznesin shqiptar është shumë më i vështirë se për të ngjashmit e tyre në rajon.
Vendit i duhet një qeveri që kujdeset për sipërmarrjen – që mposht krizën dhe ringjall ekonominë.
Ne do të ndihmojmë biznesin dhe çdo familje shqiptare. Bashkë do ta shërojmë Shqipërinë dhe do të sjellim një shpresë të re për vendin”, shkruan Basha.
