Gazetari Klodian Tomorri ka ironizuar Qeverinë Rama lidhur me tenderin e rrugës Milot-Fier. Tomorri shkruan se Qeveria nuk të zhgënjen asnjëherë, ndërsa kujton shkrimet që ka publikuar lidhur me projektin në fjalë.
Gazetari paralajmëron se brenda pak ditësh, Qeveria do të shpallë zyrtarisht ofertat, ndërsa prokurimi 4 mld dollarë do shpallet me një ofertë të vetme, nga kompania Terna.
“Në fund të Qershorit unë publikova dy shkrime rresht për koncesionin miliarder të rrugës Milot-Fier duke denoncuar se pas projektit qëndronte kompania greke Terna.
Të gjithë llogaritjet dhe studimin e fizibilitetit po e pergatiste vetë kompania. Dhe sa here nuk i dilnin llogaritë, Qeveria ndryshonte projektin”, shkruan Tomorri.
Në vijim ai thekson se 4 ditë me parë u mbyll afati i dorëzimit të ofertave për koncesionin.
“Oferta e vetme që u dorëzua është ajo e kompanisë greke Terna.
Qeveria nuk e ka shpallur ende zyrtarisht ofertat. Por do ta bëjë këto ditë. Prokurim 4 miliardë dollare me tek ofertë. Shqipëria po zhvillohet dhe qeveria nuk të zhgënjen asnjëherë”, shkruan Tomorri.
DENONCO