Për shkak të situatës alarmante nga COVID-19, Greqia po shqyrton vendimin për mbylljen e kufijve tokësorë me vendet fqinje.
Greqia po kërkon një mënyre për të frenuar shpërthimin e rasteve të reja dhe numrit të vdekjeve.
Pas rekordit të ri të të infektuarve 3,209 rasteve të reja sot, kryeministri Kyriakos Mitsotakis thirri një takim të jashtëzakonshëm sapo u kthye nga Abu Dhabi, ndërsa pritet që sërish nesër të ketë një takim.
Zëdhënësi i ministrit të Shëndetësisë, Tsiodras ngriti alarmin për Greqinë veriore kërkoi që zonat si Grevena, Pella, Drama, Pieria, Larissa, Florina, Halkidiki dhe Evros, të kenë një vëmendje të shtuar.
“Përhapja e koronavirusit prek secilin prej nesh dhe ushtron presion në sistemin shëndetësor kombëtar. E gjithë Greqia Veriore është në ‘të kuqe’”, tha Tsiodras.
Burime për “Zougla” nga tryeza e diskutimeve bëjnë me dije se po shqyrtohet shtrëngimi i kontrolleve në kufijtë tokësorë të vendit ose si mjet i fundit edhe mbyllja e tyre.
