Një tjetër mjek ka ndërruar jetë si pasojë e koronavrusit. Lajmin e bën të ditur ministrja e Shëndetësisë, Ogerta Manastirliu.
Dr. Ilirjan Draçi ishte i shtruar në spitalin Infektiv, ndërsa gjendja e tij shëndetësore u përkeqësua.
Postimi nga Manastirliu
Dr. Ilirjan Draçi ishte mjeku që me profesionalizëm e përkushtim i shërbeu komunitetit të banorëve të Tiranës për vite e vite me rradhë si mjek dhe drejtues në poliklinikën e specialiteteve nr.1.
Dr. Ilirjani nuk ia doli në betejën me virusin e pabesë me gjithë përpjekjet e mëdha të kolegëve në spitalin Infektiv.
E trishtuar nga kjo humbje e madhe për të gjithë ne. Do na mungojë shumë energjia e pashtershme dhe shpirti i sakrificës së një mjeku model, qytetari të mirë dhe drejtuesi të zotë.
U prehsh në paqe dr. Draci😢
Ne do ta fitojmë luftën ndaj këtij armiku të padukshëm të gjithë #bashkë!
