Kryeministri Edi Rama deklaroi këtë të Hënë se nga Janari, do të hyjë në fuqi rritja e pagave për bluzat e bardha.
“Masat do hyjnë në fuqi në janar dhe qëndrojnë aty përfundimisht, përveç investimeve, është një masë që parashikon rritjen 40 përqind të pagës për të gjitha bluzat e bardha në të gjithë territorin e Shqipërisë, për të gjithë mjekët dhe infermierët”, tha Rama nga foltorja e Kuvendit.
Ai kujtoi se mbetet dhe bonusi për të gjithë mjekët që pranojnë të shërbejnë në spitale jashtë vendbanimit.
Duke folur për situatën e pandemisë në vend, Rama kërkoi respektimin e masave për parandalimin e Covid dhe shtoi se shëndetësia në vend është e gatshme për përballimin e situatës.
Rama ripërsëriti vendimin “e dyfishimit të ndihmës ekonomike” dhe rimbursimin e ilaçeve për të prekurit nga koronavirusi.
Shefi i ekzekutivit tha se qeveria ka paguar dhe “kaparin” për marrjen e vakinës, pasi të hidhet në qarkullimin.
