Trajneri i Kombëtares, Edi Reja, foli pas fitores 3-1 në shtëpi ndaj Kazakistanit.
Në fjalën e tij për Supersport, veç të tjerash, tekniku italian, shprehu rezerva për terrenin e “Air Albania”-s, ku sipas tij nuk është i përshtatshëm dhe se lojtarët kanë shprehur ankesa.
Ndeshja – Ishim 2-0, goli i pësuar na hapi probleme. E kishim nisur ndeshjen mirë, rikuperuam më pas. Nga minuta e 25-të ky gol na kushtëzoi. Ata morën shumë zemër. Skuadrat u hapën shumë në fushë, u krijua një diferencë mes lojtarëve.
Nga pikëpamja fizike ata ishin superiorë, zgjodha në mesfushë lojtarë që e luanin mirë topin, për të pasur superioritet në mesin e fushës.
Problemet e fushës-E gjithë skuadra nuk arrin të shprehet maksimalisht për shkak të fushës. Lojtarët më janë ankuar, e kanë të vështirë të bëjnë 2-3 pasime radhazi. E kam të vështirë të them kush ishte më i miri.
