Antivirali remdesivir nuk duhet të përdoret si trajtim rutinë për pacientët në gjendje kritike me Covid-19, sipas organit më të lartë në botë që përfaqëson doktorrët e kujdesit intensive.
Remdesivir dhe steroidi deksametazon, janë të vetmet barna të autorizuara për të trajtuar pacientët me Covid-19 në botë.
Megjithatë, studimi më i madh ndaj efikasitetit të remdesivir, të drejtuar nga OBSH, tregoi më 15 Tetor se ka pak ose fare ndikim.
Presidenti Shoqatës Europiane të Kujdesit Intensiv, Jozef Kesecioglu, tha se remdesivir është klasifikuar sipas studimit të OBSH, si një ilaç që nuk duhet përdorur rutinë tek pacientët me Covid-19.
Kesecioglu tha se rekomandimi do diskutohet në një letër shkencore të terapive të Covid.
Gilead, që ka kundërshtuar zbulimet e OBSH, deklaroi se ka besim që doktorët në krye të detyrës i njohin përfitimet klinike të Remdesivir, bazuar në prova të forta nga shumë studime.
Shoqata Europiane e Kujdesit Intensiv përfaqëson mijëra anestezist, mjekë të traktit të frymëmarrjes, infermierë dhe profesionist të tjerë të kujdesit kritik në mbi 120 vende, raporton Scan Tv.
Ndërkohë që doktorët dhe spitalet nuk janë detyruar të ndjekin këshillën, rekomandimi mund të ulë përdorimin e remdesivir.
Megjithatë, ilaçi qëndron gjerësisht i përdorur në spitale dhe është autorizuar për përdorim në mbi 50 shtete, si dhe është përdorur tek presidenti Donald Trump kur u testua pozitiv.
Në mbi 10 muaj në pandemi, ka ende debat tek industria mjekësore mbi ilaçet që trajtojnë më mirë pacientë3t me Covid-19.
Remdesivir ka efekte anësore tek veshkat, sipas të dhënave të vetë Gilead. Megjithatë, Shoqata e Kujdesit Intensiv bën të ditur se ilaçi anti-inflamator dexametazon, vazhdon të rekomandohet për përdorim tek pacientët, për shkak se ka majftueshëm informacion mbi efektshmërinë.
