Një tentativë për grabitje ka dështuar në orët e vona të mbrëmjes së të mërkurës në qarkun e Elbasanit.
Një grup hajdutësh kanë tentuar të grabisin një banesë në zonën e Seferanit në Belsh, por janë zbuluar nga pronarët e shtëpisë.
Kanë qenë këta të fundit që më pas kanë lajmëruar policinë.
Hajdutët me të konstatuar policinë në vendngjarje kanë dalë nga banesa dhe janë larguar me vrap duke braktisur automjetin e tyre.
Policia raportohet se ka identifikuar shoferin e automjetit nëpërmjet patentës që ai kishte lënë në makinë.
